SINE-CELEBRATE ng mag-asawang Dingdong Dantes at Marian Rivera ang araw ng kanilang pagpapakasal tuwing katapusan ng buwan.
Lumarga na naman ang mag-asawa sa dagat para sa kanilang 40th monthsary.
Siyempre, pasiklab na naman ang fotos ni Yan sa kanyang Instagram. Ang daming napanganga at napamura sa sexy photo ng Kapuso Primetime Queen kung saan suot niya ang kanyang red swimsuit.
May kulit ding ginagawa si Dong sa asawa tulad na lang nang mag-post si Marian ng isa pang litrato na nakatalikod na may caption na, “Sunkissed” na siya ring nakasulat sa suot niyang sambalilo.
Komento ni Dong sa paandar ng asawa, “Sunkissed ka diyan. Dongkissed kamo…”
May kuha rin si Dong sa anak na si Zia na nakasakay sa kabayo. Inalala tuloy ng followers niya ang eksenang ‘yon sa series ni Marian na Marimar kung saan nabuo ang kanilang love story.