Du30 itinanggi may go signal na ang pagpapalabas ng narco list

ITINANGGI ni Pangulong Duterte na nagbigay na siya ng kautusan sa Philippine Drug Enforcement Agency (PDEA) na ilabas ang listahan ng mga opisyal na sangkot sa iligal na droga.

“Not yet. It is not time,” sabi ni Duterte sa isang press conference matapos dumating mula sa kanyang biyahe sa Singapore.

Nauna nang sinabi ng PDEA na nakatakda nitong ilabas sa loob ng isang linggo ang mga nasa narco list ni Duterte.

Sinabi ni PDEA chief Aaron Aquino na may basbas na ni Duterte ang pagsasapubliko ng narco list bago ang nakatakdang barangay at Sangguniang Kabataan (SK) elections sa Mayo 14.