MARAMING Kapuso fans ang kinilig sa paandar ni Dennis Trillo sa social media para sa kanyang girlfriend na si Jennylyn Mercado.
Nag-post kasi ang lead star ng bagong primetime series ng GMA na The Cure ng kanyang litrato sa Instagram na kuha sa isang event na kanyang dinaluhan. Sandamakmak ang nag-comment sa IG post ng Ultimate Star kabilang na ang kanyang BF na si Dennis.
Komento ng Kapuso Drama King, “Ang ganda naman talaga ng mahal ko.” Na sinagot naman n Jen ng “kiss” emoticons.
At hindi lang ang mga fans ni Jen ang pumuri sa kanyang “look” kundi pati na ang mga kaibigan niyang celebrities tulad nina Janine Gutierrez, Iza Calzado, Kakai Bautista at marami pang iba.
q q q
Ngayong Linggo, samahan si Atom Araullo sa pangalawang episode ng The Atom Araullo Specials na “Akyat”.
Labing walong taong gulang si Atom nang maging miyembro ng UP Mountaineers. Ngayon, mapapanood ang muli niyang pag-akyat sa dalawang bundok: ang Mt. Kupapey sa Bontoc, Mountain Province, at Mt. Hamiguitan sa Davao Oriental.
Sumama sa isang makabuluhang pagtalakay at paglalakbay—The Atom Araullo Specials tuwing Linggo, 4:30 p.m. sa GMA 7.