PAPASUKIN na rin ng award-winning broadcast journalist na si Korina Sanchez ang mundo ng digital media production.
Sa Instagram account ng Rated K host, makikita ang ilan niyang photos na nag-eenjoy lang sa mga lugar na kanyang pinupuntahan. Isa nga rito ay ang photo niya sa “tsubibo”. May caption itong, “Life is like a merry-go-round. Remember to ride with the eyes of a child & stay happy!”
Ibinalita rin ni Korina na katatapos lang nilang kunan ang summer campaign para sa pagpasok niya sa digital media production.
Bukod sa mga pampa-good vibes na litrato, nag-post din ang news anchor-TV host sa IG ng isang video na may caption na: “#KorinaReinvented is about keeping in touch with our purpose & living our #BestLife.
“In this pursuit, what’s essential is to spread positivity, kindness, understanding and love. This is what the world needs. We’re not perfect, but we have to try.”