Jung Hae In ng “While You Were Sleeping” bibisita sa Maynila sa Hunyo 30

MAGKAKAROON ng fan meeting ang Korean actor na si Jung Hae In sa Kia Theatre sa Hunyo 30.

Inihayag ng agency ni Hae In na FNC Entertainment ang nakatakdang pagbisita ni Hae In.

Matatandaang nakilala ng husto si Hae In sa kanyang pagganap bilang second lead actor sa Korean drama na “While Your Were Sleeping” na pinagbidahan nina Lee Jong Suk at Bae Suzy.

Bida naman ngayon si Hae In sa ongoing K-drama na “Something In The Rain” kasama ang aktres na si Son Ye Jin.

Nakatakda ang “Smile” fan meeting ni Hae In sa Kia Theatre ganap na alas-6 ng gabi.