ISANG maSARAP na birthday celebration para sa nag-iisang Asia’s Songbird at Cooking Diva na si Regine Velasquez-Alcasid ang magaganap ngayong Sabado ng umaga sa Sarap Diva ng GMA 7.
Makikisaya sa bonggang selebrasyon sina Kapuso premiere actor Gabby Concepcion at world-class singer Mark Bautista. Abangan ang nakakatuwang kuwentuhan at bukingan nina Regine, Gabo at Mark na siguradong ikaka-shock ng mga manonood. Of course, bongga rin ang kantahang magaganap with Regine, Gabby and Mark.
At siyempre, dapat n’yo ring alamin ang mga wish ng mga taong nagmamahal kay Songbird sa kanyang birthday.
At matapos nga ang mahabang panahon, makikita muli ng Kapuso viewers ang iconic TV character na si Manang Bola! “Ba-Be-Bi-Bo-Bu!” Ano nga kaya ang nakikita ni Manang Bola sa kanyang perlas na bilog para sa kaarawan ni Regine.
Abangan lahat ‘yan ngayong umaga sa favorite Saturday tambayan n’yo, ang Sarap Diva bago mag-Eat Bulaga.