23 nakatakdang kasalan apektado ng pagsasara ng Boracay

TINATAYANG 23 nakatakdang kasalan ang apektado ng anim na buwang pagsasara ng Boracay.

Sa isang ulat ng Radyo Inquirer, sinabi ni Fr. Tudd Belandres, ng Our Lady of the Most Holy Rosary Parish sa Boracay na nakatakda sana ang mga kasalan mula April 26 hanggang Oktubre 25.

Idinagdag ni Belandres na sa kabila nito, wala pang nagkansela ng kanilang naka-iskedyul na kasal.
Tiniyak naman ni Belandres na susunod ang parish church sa kautusan ng gobyerno.
Nauna nang inaprubahan ni Pangulong Duterte ang anim na buwang shutdown ng Boracay para bigyang daan ang rehabilitasyon nito.