Team G-A-G: Kontra krimen, korupsyon

TATLONG bago at professional na mga opisyal na may direktang kinalaman sa peace and order at anti-criminality drive ang hinirang ni Pangulong Duterte nitong nakaraang linggo.
Ang “Mindanao battle-tested” na si Lt. Gen. Carlito Galvez sa AFP, ang istrikto at napakasipag na si Brig. Gen. Oscar Alba-yalde ng PNP.
Ang ikatlo na hahawak din sa NBI ay ang hinirang na bagong DOJ “ad interim secretary” at number two sa 1985 Bar exams na si Senior Deputy Executive Secretary Menardo Guevarra na “right hand man” ni Executive Sec. Salvador “Bingbong” Medialdea.
Ang tatlong ito na tatawagin kong “GAG TEAM” ang siyang lalaban sa illegal drugs, krimen at sa corruption sa ilalim ng Duterte admi-nistration.
Si General Galvez ay 2007 Outstanding Philippine soldier at bilang Western Mindanao Commander, napatay nila ang 436 Abu Sayaff members, 276 rebeldeng komunista, 311 BIFF fighters at 1,065 Maute members. Mag-reretiro siya sa December 2018.
Si General Albayalde naman ay istrikto lalo na sa mga tiwaling pulis bukod pa sa bumaba ang krimen sa Metro Manila sa ilalim ng pamamahala niya. Robbery incidents bumaba ng 34%, theft-41% at carnapping-51%. Sinibak niya ang buong 1,200 Caloocan police dahil sa di malutas na mga krimen bukod pa sa maraming pulis na nahuli niyang natutulog sa mga presinto. Bukod dito, wala nang natuklasang shabu lab sa NCR.
Ang tandem nina Galvez at Albayalde sa military at police operations ay napakahalaga u-pang magpatuloy ang “hardline” o kamay na bakal na patakaran ni Duterte laban sa ilegal na droga at kriminalidad. Kasabay rito ang paglili-nis sa kanilang mga hanay, lalo na ngayon na dinoble na ng taumbayan ang kanilang mga sweldo at benepisyo.
At kaakibat niyan siyempre ang “professio-nalism” at pagsunod sa “rule of law” partikular sa mga nag-iingay sa isyu ng “human rights violations”.
Pero dito sa isyu ng NBI sa ilalim ng bagong DOJ Sec. Menardo Guevarra ay maraming problema ang kailangang ayusin.
Maraming corruption ang umaalingasaw roon. Bukod dito, may intriga sa isyu ng “ad interim appointment” ni Guevarra , dahil ibig bang sabihin nito ay “temporary” lamang siya o merong permanente at “long term” appointee?
Babantayan natin kung isusumite ng Malakanyang sa Commission on Appointments ang paghirang kay Guevarra na Deputy executive Secretary din noong panahon ni da-ting PNoy Executive Secretary Paquito Ochoa. Hinirang din siya ni PNoy bilang miyembro ng Philippine Competition Commission bago nakumbinsi ni Medialdea na bumalik sa Palasyo.
Paano na ngayon ang mga kasong isasampa ng DOJ laban kina PNoy at Ochoa kung ang bagong secretary ay naging tauhan nila? Paano ang mga kasong isasampa laban kay dating Budget Sec. Butch Abad na kaklase rin ng bagong DOJ secretary?
Sa ganang akin, posible talagang “ad interim” lamang o panandalian ang posisyon ni Sec. Guevarra sa DOJ. Talaga pong kwalipikado siya, pero ang hinihintay ng taumbayan ay ang paghahanap ng hustisya sa nakaraang anomalya sa DAP at PDAF ng PNoy administration.
Isang “campaign promise” ni Pangulong Duterte na kailangang gampanan ngayon ni ad interim DOJ sec. Guevarra kahit, mga dating boss at kaibigan niya ang masagasaaan.