ELLEN ADARNA ATJOHN LLOYD CRUZ
BABY girl nga ba ang magiging panganay na anak nina John Lloyd Cruz at Ellen Adarna?
Sa kanyang Instagram account, nag-post kahapon si Lloydie ng litrato ng isang playpen na may kulay brown, peach, green at orange na nakapwesto sa may hagdanan. Makikita rin sa photo ang isang desktop computer at hard drive. Nilagyan ito ni John Lloyd ng caption na: “Guada.”
May mga followers ang aktor na nagsabing baka ito na raw ang paraan ng “baby reveal” nina Lloydie at Ellen at posibleng “Guada” nga ang ipapangalan nila sa kanilang first baby.
Inaasahang manganganak na si Ellen anytime soon pero hanggang ngayon ay wala pa rin silang direktang inaamin ni John Lloyd tungkol dito. Kamakailan, naglabasan ang ilang litrato ni Ellen sa social media kung saan kitang-kita na ang malaki niyang tiyan.