Malalaking party ipinagbawal sa Boracay

IPINAGBAWAL ng lokal na pamahalaan ng Malay, Aklan ang tinaguriang “LaBoracay” party sa harap ng nakatakdang pagsasara ng Boracay Island.

Sa isang pahayag, sinabi ng municipal government na nagdesisyon ang executive committee na ihinto na ang pagbibigay ng special permit sa para sa mga malalaking pagtitipon sa LaBoracay (mula Abril 27 hanggang Mayo 2).

“To promote general welfare, the municipal government will not approve permits for big events during the upcoming holidays (Holy Week and Labor Day),” sabi ng pahayag.

Papayagan pa rin ang mga maliliit na pagtitipon na sumusunod sa mga lokal na ordinansa, ayon pa sa pahayag.

Unang ginamit ang termino na Laboracay para sa long weekend, kasama na ang Labor Day sa Boracay.