ALDEN RICHARDS
MAY panibago na namang madadagdag sa nga produktong ineendorso ni Alden Richards, ang Cookie’s Peanut Butter na pag-aari ng mag-asawang Joy Abalos Yatco at Biñan Mayor Cookie Yatco.
Kung hindi kami nagkakamali, kaya kinuha ng mga Yatco si Alden bilang kauna-unahang celebrity brand ambassador ng kanilang produkto ay dahil taga-Laguna rin ang aktor.
Mahilig kami sa peanut butter at parati naming binibili ang leading brand na nakasanayan na namin, pero dahil natikman na namin ang ineendorsong Cookie peanut butter ni Alden ay ito na ang bibilhin namin sa susunod na matagal na palang available sa supermarkets at groceries nationwide.
Isa si Alden sa mga effective celebrity product endorser ng GMA kaya hindi kataka-takang maraming kumukuha sa kanyang mga kumpanya, higit sa lahat ay maayos kausap ang aktor dahil hindi nito pinahihirapan ang mga taong nais kumuha sa kanya.
At ang pinakamahalaga, marami siyang natutulungang mga kababayan natin na kapos sa buhay kaya naman maraming nagtitiwala sa kanya.