Kasambahay holiday aprub na sa huling pagbasa sa Kamara

Inaprubahan na ng Kamara de Representantes sa ikatlo at huling pagbasa ang panukalang special non-working day para sa mga kasambahay tuwing Enero 18.

    Sa botong 225-walang tumutol at walang abstention, inaprubahan ng Kamara ang House bill 6285.

    Ang holiday na ito ay tatawaging Araw ng Kasambahay.

    Kung tatapat sa araw ng Sabado o Linggo ang holiday na ito, ililipat ito sa pinakamalapit na Biyernes.

    Inatasan ang Department of Labor upang ipatupad ang panukala kapag naging batas ito.