P42M jackpot ng Mega Lotto nasungkit

Isa ang nanalo ng P42 milyong jackpot prize ng Mega Lotto 6/45 sa bola kagabi.
Ayon sa Philippine Charity Sweepstakes Office isa ang nakakuha sa winning number combination na 10-05-17-07-29-21.
Noong Pebrero 9 pa hindi tinatamaan ang jackpot prize ng Mega Lotto kaya lumaki na ito.
Huling tinamaan ang jackpot prize ng Mega Lotto noong Pebrero 7. Isa ang nanalo ng P45.3 milyon.
Nanalo naman ng tig-P9,130 ang 114 mananaya na nakakuha ng limang lumabas na numero.
Tig-P220 naman ang napanalunan ng 3,656 mananaya na nakaapat na numero. Balik naman ang P20 taya ng 43,696 mananaya na nakatatlong numero.