MTRCB chairman Rachel Arenas pinag-aralan ang Korean Rating Board; handa sa hamon ni Duterte

MARAMING natutunan si MTRCB Chairman Rachel Arenas sa pakikipag-meeting sa chairperson ng Korean Media Rating Board kamakailan.

Personal na nagtungo si Rachel sa Busan, South Korea para makilala nang personal at makachika nang bonggang-bongga ang kanyang counterpart doon bilang MTRCB head.

Nakakuwentuhan namin ang chairperson ng MTRCB kamakailan kasama ang mga opisyal at miyembro ng SPEED (Society of Philippine Entertainment Editors) at naikuwento nga niya kung gaano karami ang Korean TV shows at pelikula na nire-review ng kanilang Rating Board.

Ani Rachel, medyo iba raw ang proseso ng pagka-classify ng mga pelikula at TV show sa Korea, meron daw silang sub-committee na nagre-review.

At dahil diyan, naisip nga nila na bigyan na rin ng assignment ang MTRCB deputies para lahat ng mga palabas (free TV at cable) ay matutukan, pati na rin ang mga pelikula lalo na sa mga sinehan na patuloy pa ring lumalabag sa panuntunan at regulasyon ng MTRCB. Isa na nga riyan ang pagpapapasok ng mga bata sa mga “for adults” na pelikula.

“Besides movies and TV shows, they even rate video games in Korea. There was so much to take in especially in preparing MTRCB for the full impact of DTT (Digital Terrestrial Television), there will be too many programs to rate by then, and with just a board of 30, we have to start thinking of ways under the law how to get it done. Just thinking aloud, maybe we’ll have to enlist the help of our deputies,” sabi pa ni Rachel Arenas.

Sabi pa niya sa kanyang trabaho sa MTRCB, “Like I said before, my goal from the very start has been to implement the rules of the agency without stifling artistic freedom. And in terms of the programs I inherited from the past chairmanship, my mantra has always been, ‘If it ain’t broke, don’t fix it.’ Just continue, enhance and improve it.”

Dagdag pa niya, “We’re now proceeding in a single direction, and the strength of this board is the very fact that iba-iba yung pananaw nila so we can continue to trust in a balanced review.”

Samantala, tungkol naman sa lumabas na chika na isa siya sa mga nasa listahan ni 7Pangulong Rodrigo Duterte para kumandidatong senador sa susunod na eleksyon, willing naman daw si Chairman Rachel na dati ring kongresista sa Pangasinan. Nag-aral din siya sa Amerika.

“Kung talagang alam ng pangulo na makakatulong ako or kung makakapagsilbi pa ako sa mas marami, I will follow,” sabi pa ng anak ng socialite at philanthropist na si Baby Arenas na ngayo’y 3rd District Representative ng Pangasinan.

“Being a public servant, you always think what else you can give at ang pagiging elected official ay talagang privilege,” dagdag pa ng MTRCB chair.

In fairness, tulad ng dating MTRCB chairman na si Atty. Toto Villareal, napakasipag din daw sa trabaho ni Rachel kaya mataas din ang respeto sa kanya ng mga taga-MTRCB. Puring-puri rin nila ang kasimplehan nito.

“Sa province ‘pag pumupunta sa mga barangay, nakatsinelas ako. Mas comfortable din kasi,” aniya pa.