MRT nasira 350 pasahero pinababa

Pinababa ang may 350 pasahero ng tren ng Metro Rail Transit 3 ngayong hapon.
Ayon sa Department of Transportation nagkaroon ng problema sa signaling system ang tren sa Quezon Avenue station southbound kaya kinailangang pababain ang mga pasahero alas-5:13 ng hapon.
Ang mga pinababang pasahero ay nakasakay sa sumunod na tren na dumating makaraan ang siyam na minuto.
Ang kalumaan ng mga signaling system ang isa sa tinitignang dahilan ng pagkasira nito.