KILIG na kilig ang LizQuen fans sa mga naging pahayag ni Enrique Gil patungkol sa relasyon nila ngayon ni Liza Soberano.
Sa panayam ng Tonight with Boy Abunda, natanong ang binata kung ano ang nais niyang matanggap na birthday gift mula kay Liza. Nag-isip muna ang aktor sabay sabing, “Mahalin mo lang ako forever. ‘Wag mo lang ako iwan.”
Siyempre, tilian ang nasa studio ng TWBA. Nagpalakpakan ang mga fans sa sobrang kilig sa sinabi ni Enrique. Patunay daw ito na talagang mahal na mahal ng binata ang kanyang ka-loveteam.
Natanong din siya kung boto ba ang kanyang mommy kay Liza at kung magkasundo ba ang dalawang mahalagang babae sa buhay niya. Sagot ni Quen, “Magkakampi nga sila e. Minsan nagkakampihan tapos ako yung sinesermonan.”
Ilan pa sa mga bagay na ibinuking ng aktor tungkol kay Liza ay ang pagiging mahiligin nito sa hayop. Gusto nga raw nitong magkaroon ng pet monkey at pet pig. At alam n’yo ba na may fear factor ang dalaga sa barbie doll?