PALABAN at walang labang inuurungan ang magiging karakter ni Glaiza de Castro sa upcoming Afternoon Prime series ng GMA na Contessa.
Bukod sa nakakaintrigang kwento nito, marami ring hatid na aral ang programa lalo na tungkol sa women empowerment.
“Nagsimula kasi siya na malinis naman ‘yung intention niya, eh. Gusto niya lang mabuhay nang payapa. Gusto niya lang makatulong sa pamilya niya pero may mga bagay talaga at may mga tao na hahadlang para magawa niya o para makamit niya iyon,” kwento ni Glaiza.
Nakatatak na sa imahe ni Glaiza ang advocacy na “Babae Power” kaya naman sa kanya talaga ipinagkatiwala ng GMA ang makabuluhang project na ito. Ngayon pa lang ay marami nang naku-curious sa kwento ng Contessa kaya siguradong may bago na namang tututukan ang manonood tuwing hapon.