JODI STA. MARIA AT JOLO REVILLA
ASAWA na talaga ang tawag ni Jolo Revilla kay Jodi Sta. Maria. Ipinangalandakan ng Cavite Governor ang tawag sa girlfriend sa isang post niya sa Instagram.
“Ang ganda talaga ng asawa ko! Happy 81st month sa ating dalawa!” caption ni Jolo sa litrato ni Jodi.
Parehong galing sa failed relationship sina Jolo at Jodi kaya naman ang komento ng followers ng anak ni Sen. Bong Revilla, Jr., pang-forever na ang kanilang relasyon – kasal na lang talaga ang kulang, huh!
q q q
Isinasapuso ni Yasmien Kurdi ang role niya bilang HIV carrier sa mapapanood na GMA afternoon series na Hindi Ko Kayang Iwan Ka simula sa Lunes.
Aktibo rin kasi ngayon ang Kapuso actress sa pagtulong sa pagpapalaganap ng HIV/AIDS awareness. Tumutulong siya sa “Fit To Love” campaign ng Love Yourself, Inc..
Ayon sa post ni Yas sa kanyang Instagram, isa itong photoshoot campaign for a cause.
Sa halagang P1,000, mabibigyan ng “Fit To Love” T-shirt ang susuporta kasama ang picture.
Kasama ni Yasmien sa litrato ang ilang taong involved sa Love Yourself campaign na walang sawang tumutulong para mas maging aware ang mga Pinoy kung paano makakaiwas sa AIDS.