DANIEL PADILLA AT KATHRYN BERNARDO
“HANGGA’T may katwiran, ipaglaban mo!” ‘Yan ang birong tugon ni Daniel Padilla nang tanungin kung hanggang kailan niya ipaglalaban ang pagmamahal niya kay Kathryn Bernardo.
Kahapon sa thanksgiving’farewell presscon ng La Luna Sangre, diretsong sinabi ni DJ na hangga’t nagmamahalan sila ni Kath, ipagpapatuloy lang niya ang paglaban. “Paano mo ipaglalaban kung wala na di ba? Hangga’t meron, anong ipaglalaban kung wala na.”
Sey naman ni Kathryn, “Nasa amin na ‘yun hanggang kailan namin gustong ipaglaban.” Kitang-kita naman kung gaano kamahal ng dalawa ang isa’t isa at hindi rin siguro tatagal ang kanilang tambalan kung naglolokohan lang sila at hindi totoo sa kanilang mga sarili.
Last two weeks na ang La Luna Sangre sa Primetime Bida ng ABS-CBN at promise nina Kathryn at Daniel, napakarami pang mga pasabog ang dapat abangan ng manonood.