2  patay sa banggaan ng 4 na sasakyan sa Isabela

PATAY ang dalawa katao matapos ang banggaan ng apat na sasakyan, kabilang na ang tatlong  ten-wheeler truck at isang tricycle sa kahabaan ng national highway sa Gamu, Isabela kahapon, ayon sa pulisya.

Sinabi ni Gamu police head Chief Insp. Richard Limbo na naganap ang aksidente ganap na alas-4:55 ng gabi sa kahabaan ng national highway sa barangay Upi. 

Kabilang sa mga nasawi ay sina Michael Sanchez , 38, project contractor ng Ilagan City; at Crismel Delos Santos, 40. Bumangga ang sinasakyan nilang tricycle sa 10-wheeler truck na minamaneho ni Alex Siazon,42, na sumalpok naman sa pangalawang ten-wheeler truck na minamaneho ni Rommel Ubando, 39, sabi ni Limbo.

Naipit pa ang tricycle ng pangatlong 10-wheeler truck na minamaneho ni Kerwin Dalog, 30, na tumakas matapos ang insidente.