DARREN ESPANTO
LUMALAKI ring pang-matinee idol ang matangkad na singer na si Darren Espanto, na talaga namang nakakabilib ang galing sa pagkanta at pagpe-perform.
Sana ay mapanood din natin siya sa mga pelikula at teleserye dahil malakas din ang kanyang sex appeal. Madalas na nagiging bisita ng It’s Showtime si Darren at panay din ang promote nito ng mga gigs at shows niya.
At dahil binatilyo na, hindi rin malayong magkaroon din siya ng ka-loveteam. Baka naman may chance pa na magkatambal sila ng matagal na niyang crush na si Cassy, ang anak nina Carmina Villaroel at Zoren Legaspi? At ano na nga ba ang nangyari sa mga ka-batch niyang sina Lyka Gairanod at JK Labajo?
Bongga ang naging exposure ni JK sa seryeng A Love To Last pero simula nang masangkot ito sa isang “scandal”, bigla ring tumamlay ang kanyang career.