MADALING malaman kung sino ang tinutukoy ng journalist na si Teddy Boy Locsin, Jr. sa tweet tungkol sa anak ng isang politician. Bilang respeto kay Locsin, minabuti naming huwag na itong pangalanan.
Umugong kasi sa AlDub Nation ang balitang sa ibang aktor daw ipapareha si Maine Mendoza.
Pinagbibintangan nila ang ilang taong malapit sa baguhang aktor komo may picture silang magkasama.
Siyempre, pinalagan ito ng ADN dahil si Alden Richards ang gusto nilang makasama ni Meng at wala nang iba.
Pati nga ‘yung gagawing show ni Alden sa New Jersey at Toronto, Canada sa Abril kung saan si Lovi Poe ang isa sa makakasama niya eh, inalmahan din ng fans.
Anyway, naging kakampi ng ADN si Teddy Boy dahil para sa kanya, dapat talaga si Alden pa rin ang kapareha ni Maine sa gagawing pelikula.