P300M jackpot ng Ultra Lotto

    Inaasahang aabot sa P300 milyon ang jackpot prize ng Ultra Lotto 6/58 sa Biyernes.

    Ito ay matapos na hindi mapanalunan ang P290.8 milyong jackpot prize ng Ultra Lotto sa bola Martes ng gabi kung saan lumabas ang winning number combination na 57-53-39-50-35-18.

      Walo naman ang nanalo ng tig-P264,870 matapos makuha ang limang numero.

    Tig-P3,010 naman ang 563 mananaya na nakaapat na numero at balik ang P20 taya ng 13,273 mananaya na nakatatlong numero.

    Ang Ultra Lotto ay binobola tuwing Martes, Biyernes at Linggo.