2 Senate panel iimbestigahan ang umano’y ill-gotten wealth ni Du30

IIMBESTIGAHAN ng dalawang komite ng Senado ang umano’y tagong yaman nina Pangulong Duterte at kanyang anak na si Davao City Mayor Sara Duterte-Carpio.

Kahapon, inendorso na ang Senate Resolution No. 602, na inihain ni Sen. Antonio Trillanes IV, sa Senate blue ribbon committee at Senate committee on banks, financial institutions and currencies.

Pinangungunahan ni Sen. Richard Gordon ang blue ribbon committee, samantalang si Sen. Francis Escudero ang pinuno ng committee on banks.
Inakusahan ni Trillanes ang mag-amang Duterte ng pagkakaroon ng mahigit P100 milyong deposito sa Bank of Philippine Islands (BPI).