MAINE MENDOZA AT ALDEN RICHARDS
FIESTA ang AlDub Nation nang magsama sina Alden Richards at Maine Mendoza sa isang event last Thursday sa SMX Convention Center na in-organize ng ineendorso nilang produkto.
Nakabibingi ang sigawan at hiyawan ng ADN dahil ngayon lang nila uli nakitang magkasama ang mga idolo sa isang stage. Eh, twinning pa ang damit nilang kulay pula at may pasimple rin silang lambingan, kulitan at harutan sa stage, huh!
Pina-trending ng ADN sa Twitter PH at sa ibang bansa ang ginamit nilang hashtag sa event na ‘yon ng mga idolo. Kahit na nga magkaibigan lang ang turingan ng dalawa, hindi pa rin sila nawawalan ng pag-asa na sa bandang huli ay sa kandungan din ng isa’t isa ang bagsak nila.
Ang labis na ikinatuwa ng ADN ay ang presence ng senior citizens sa event na humahanga kina Alden at Maine na ang sigla-sigla nang dating at kilos habang nakikita ang dalawa sa stage na pinasasaya ang mga tao.