MARAMING natuwa at humanga kay Jodi Sta. Maria nang mag-guest appearance siya sa TV Patrol nitong nakaraang Huwebes bilang celebrity Star Patroler.
Puro positibo ang reaksyon ng mga manonood sa pag-apir niya sa news program ng ABS-CBN. Bukod sa magagandang feedbacks mula sa netizens, mismong ang isa sa mga anchor ng show na si Bernadette Sembrano ay humanga kay Jodi.
Sa kanyang Instagram account, nag-post pa talaga si Bernadette ng litrato nila ni Jodi na kuha sa backstage ng TV Patrol. NIlagyan niya ito ng caption na: “[In my humble opinion] she’s really the best leading lady on national TV. Kahit kanino ipareha, click!
“But tonight I truly enjoyed our brief conversation about her studies, her career, fitness, vocation, faith and even success. A very talented, and simple Kapamilya. Thanks Jodi for being with us.”