Tren ng MRT nasira sa ika-6 sunod na araw

 

Isang tren ng Metro Rail Transit 3 ang nasira kaninang umaga.
Pinababa ang daan-daang pasahero sa Santolan-Anapolis station northbound alas-11:53 ng umaga matapos na magkaroon ng technical problem ang tren.
Ito na ang ika-anim na sunod na araw na nasira ang tren ng MRT.
Nasira ang tren nito noong Enero 22, alas-6:45 ng hapon at noong Linggo alas-6:14 ng umaga.
Dalawang beses itong nasira noong Enero 20—alas-2:18 ng hapon at alas-4:14 ng hapon.
Nasira naman ito ng alas-9:37 ng umaga noong Enero 19 at 9:21 ng umaga noong Enero 18.