Inaasahang aabot sa P220 milyon ang jackpot prize ng Ultra Lotto 6/58 sa bola nito bukas.
Ayon sa Philippine Charity Sweepstakes Office walang tumama sa P213.6 milyong jackpot prize ng Ultra Lotto noong Linggo.
Lumabas sa pinahuling bola ang winning number combination na 15-53-55-12-34-14.
Nanalo naman ng tig-P2,430 ang 545 mananaya na nakakuha ng apat na numero. Balik naman ang P20 taya ng 13,950 mananaya na nakakuha ng tatlong numero.
Ang Ultra Lotto ay binobola tuwing Martes, Biyernes at Linggo.
Noon pang Setyembre 8 walang tumatama ng jackpot prize sa Ultra Lotto. Huli itong tinamaan noong Setyembre 5 at dalawa ang naghati sa P256.8 milyong jackpot prize.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.