SUPER enjoy at umuwing masayang-masaya ang mga loyal fans ni Alden Richards na naki-celebrate sa kanyang birthday sa Enchanted Kingdom kamakailan.
Mismong ang Pambansang Bae ang nakaisip na magdiwang ng kanyang kaarawan kasama ang kanyang mga fans na walang sawang sumusuporta sa kanya mula noong hanggang ngayon. Nagsimulang magplano ang Kapuso heartthrob noong November, 2017 at talagang tinutukan niya ang preparasyon para rito.
Bukod sa mga rides sa nasabing theme park, binigyan din ng personalized blue shirts ang mga naki-celebrate kay Alden na may nakasulat na “One Fun Day with the Bae”. Nagkaroon din sila ng chance na maka-selfie at makakuwentuhan ang aktor.
Kinagabihan, nagkaroon pa ng mini-concert si Alden sa EK kasama ang ilan sa mga kaibigan niya mula sa GMA Artist Center tulad nina Bea Binene, Kristoffer Martin, Rodjun Cruz at ang mga boyband na T.O.P. (Top One Project) at One Up. Puro papuri ang ibinigay nila para sa nag-iisang Pambansang Bae.
“Si Alden, kahit sobrang busy niyan, isang tawag lang, andiyan ‘yan,” ayon kay Kristoffer.
Sabi naman ni Rodjun, “Kapag hindi siya sumasagot, isa lang ang ibig sabihin nu’n, may trabaho siya. At pagkatapos na pagkatapos niya du’n, umasa ka na siya mismo ang tatawag sa ‘yo.”
Pinuri naman ni Bea ang ibinibigay na pagmamahal ni Alden sa kanyang pamilya. Nagkuwento pa ito tungkol sa pagbili ng binata noon ng sasakyan.
Kuwento ni Bea, akala niya ang bibilhin ni Alden na sasakyan ay yung two-door na gustung-gusto nito, pero mas pinili nito ang four-door car, “Sabi niya, mas magagamit daw ng pamilya niya kung four-door car ang bibilhin niya.”
Alden Richards surely started the year right – by showing his appreciation for his loyal fans, who are sure in for a treat this 2018 considering all the exciting projects of the Pambansang Bae.
q q q
Samantala, para naman sa mga fans ni Alden na hindi nakapunta sa kanyang selebrasyon sa Enchanted Kingdom, ito ang regalo ng Pambansang Bae para sa inyo.
Ngayong Linggo (Jan. 14), makiki-Road Trip ang Pambansang Bae kasama ang ilan sa kanyang kaibigan sa showbiz.
Makakasama ni Alden ang komedyanteng si Divine Tetay, ang DJ/host na si Sam YG, at ang isa sa kanyang mga BFF sa showbiz na si Bea Binene. Ang kanilang papasyalan? Isang lugar na ‘di kalayuan sa Maynila pero maganda ang tanawin at hindi lang masarap mamasyal, yummy pa raw ang bulalo rito.
Saan pa nga ba kundi sa Tagaytay!
Pahinga raw muna sa pagpapakilig si Alden at makiki-bonding muna sa kanyang malalapit na kaibigan.
Susugod sila sa isang theme park para magkasubukan ng tapang sa rides nito. Haharapin din nila ang challenge ng wakeboarding. Pero siyempre, hindi mawawala ang pinakahihintay ng barkada—ang food trip!
Kaya hanapin na ang inyong “Happy Place To Heal Your Hugot”, kasama sina Alden, Tetay, Sam at Bea sa Road Trip ngayong Linggo, 5 p.m. sa GMA 7.