DIRETSONG inamin ng anak ni Willie Revillame na si Meryll Soriano na nag-drugs din siya noon bilang bahagi ng kanyang pagrerebelde sa buhay.
Ayon sa aktres, hindi niya itinatanggi na nakatikim din siya ng ilegal na droga dahil sa depresyon, pero matagal na raw iyon.
“Nag-ano ako noon, nag-drugs. I think it was just part of ‘yung pagiging rebelde ko. And 10 years na akong sober, 10 years na akong clean,” ang pahayag ni Meryll sa panayam ng Magandang Buhay kahapon ng umaga.
Pagpapatuloy pa niya, “I struggled with show business because I really wanted to go to school. Doon na nag-start ‘yun. I wanted to go abroad for college and hindi ko magawa because I was already working. I felt like I’ve been working and I really wanted to go and have an education abroad.
“Tapos parang di puwede. So ‘yon na, nag-start na akong magrebelde. Di ko ever naramdaman na hindi ako kilala. So ‘yon, nag-start na,” aniya pa.
Ipinagdiinan pa ng aktres na mas mabuti pa rin na may support system ang isa tao para may paghuhugutan ito sakaling atakihin ng matinding lungkot o depresyon.
“I think anybody who’s going through a hard time should learn how to ask for help. I think that’s very, very important kasi ‘yun ang nag-save sa akin. I asked for help noong parang di ko na kaya. Tapos ‘yung faith mo [mahalaga]. Nagising na lang ako ng isang araw na, ‘Lord, ayaw ko na.’ Then I talked to my parents,” kuwento pa ni Meryll.