ISANG bonggang pelikula ang binubuo ngayon ni Albert Martinez – ito ang Pinoy version ng blockbuster Hollywood movie na “Ocean’s Eleven”.
“It’s like 1980s Brat Pack meets Millennial Stars,” kuwento ni Albert sa isang panayam.
Ito’y posibleng pagbidahan daw nina Albert, Gabby Concepcion, Richard Gomez, William Martinez at Aga Muhlach. Ang iba pang gustong isama ni Albert sa pelikula ay sina Megastar Sharon Cuneta, Coco Martin, Arjo Atayde, Piolo Pascual at Paulo Avelino.
Ang “Ocean’s Eleven” ay ipinalabas noong 2001 starring George Clooney, Brad Pitt, Matt Damon at Julia Roberts. Nasundan ito ng “Ocean’s Twelve” (2004) at “Ocean’s Thirteen” (2007).
Ngayong 2018 naman, ipalalabas ang pelikulang “Ocean’s Eight” kung saan bibida sina Sandra Bullock, Anne Hathaway at Rihanna.