Deboto nagka-spine injury, 1 pa nahulog mula sa Andas

NAGKA-spine at neck injury ang isang deboto ng Itim Na Nazareno, samantalang nahulog naman ang isa pa mula sa Andas, ayon sa Philippine Red Cross (PRC).
Hindi naman pinangalanan ang mga biktima, na kapwa dinala sa ospital.
Pitong oras matapos ang Traslacion ng Itim Na Nazareno mula sa Quirino Grandstand kaninang umaga, sinabi ng PRC na umabot na sa 652 deboto ang nilapatan nila ng lunas, kagaya ng sugat, galos, hindi makahinga at hypertension.
Idinagdag ni PRC na nagpakalat na ng 2,000 volunteer, 58 ambulansiya, siyam na first aid station, at waloong rescue truck sa palibot ng daraanan ng prusisyon.
Nagsimula ang Traslacion ganap na alas-5:07 ng umaga sa Quirino Grandstand.