PINAGHAHANAP ng mga pulis ang isang itim na van (PMQ 128), na may sakay na limang lalaki, kabilang ang tatlong banyaga, matapos dukutin ang isang estudyanteng babae sa kolehiyo sa Cebu City kaninang umaga.
Ayon sa ulat, nag-aabang ng jeepney ang biktima ganap na alas-5 ng umaga malapit sa Sungold na matatagpuan sa Cebu Eastern College (CEC) sa kahabaan ng N. Bacalso Avenue nang siya ay dukutin ng mga suspek.
Hindi naman pinangalanan ng pulisya ang biktima habang isinasagawa ang imbestigasyon.
Kagagaling lamang ng biktima mula sa kanyang night shift duty at pauwi na sana sa kanyang bahay sa Barangay Buhisan nang sapilitan umano siyang ipasok sa itim na van, ayon kay Cebu City Police Director Joel Doria.
Pumunta ang mga kaanak ng biktima sa Carbon Police Station kahapon ng umaga para iulat ang pagdukot matapos makatanggap ng mensahe mula sa Facebook account ng biktima na siya ay dinukot.
“STOP FINDING THIS WOMAN OR ELSE I’LL KILL HER IF U KEEP ON CHAT AND CALLING I WILL KILL HER,” sabi ng post sa Facebook account ng biktima.