ALDEN RICHARDS AT MAINE MENDOZA
TATAPUSIN ni Alden Richards ang week-long birthday celebration ngayong araw na ito sa dalawang pasabog na selebrasyon.
Una, may handog ang Pambansang Bae sa manonood dahil isang malaking selebrasyon ang nakatakdang mapanood sa Eat Bulaga. Kung bitin kayo sa selebrasyon niya nu’ng Jan. 2, mas matindi raw ang sorpresang nakalaan sa televiewers ngayong tanghali.
Pagdating sa hapon, ang fans naman ni Alden ang makakapiling niya sa Enchanted Kingdom simula alas-2 nang hapon billed as “One Fun Day With Alden.” Tumatanaw ng malaking utang na loob ang binata sa kanyang fans kaya talagang naglalaan siya ng oras upang pasalamatan sila.
Natutuwa rin si Alden dahil marami raw siyang naiimpluwensiyahan ng kanyang “non-pake” mode pagdating sa mga bashers, “Kaya kahit ano pa po ang sabihin nila sa akin, sa pamilya ko, sa mga kaibigan ko, hindi po nila ako mabi-break. Kasi, mas kilala ko po ang sarili ko.”
Samantala, si Maine Mendoza naman, ikinakasa na ang isang malaking endorsement ngayong unang quarter ng taon.
Mabenta pa rin kasi siya bilang brand ambassador kahit na nga may ilang kampo na nagsasabing nabawasan na ang kinang niya bilang Phenomenal Star!