BIRTHDAY ni Alden Richards kahapon, Jan. 2. Trending sa 3rd spot sa Twitter ang hashtag #Alden Richards26.
Bumuhos ang pagbati ng fans niya sa social media, lalo na ang AlDub Nation. Hopia siyempre ang fans nilang dalawa ni Maine Mendoza na babati rin ang Phenomenal Star. Kahapon sa Eat Bulaga, sinabi ni Meng na madaling araw pa lang kahapon ay binati na niya ang Pambansang Bae.
Ilan pa sa bumati sa Kapuso heartthrob ay sina Ai Ai delas Alas, Paolo Ballesteros, direk Adolf Alix, Jr. at Eat Bulaga Dabarkads. Kahapon sa Bulaga, may sopresang inilaan ang programa para kay Alden kung saan umapir ang ilang mga taga-showbiz and non showbiz na malalapit sa kanya para maglaban-laban sa “Pinoy Henyo”.
Kabilang na nga riyan sina Mark Herras, Kristoffer Martin at Bea Binene.
Pero ang Big Day ni Alden ay magaganap ngayong Sabado at bilang pasasalamat sa kanyang fans, makakasama nila ang binata ng isang buong araw sa Enchanted Kingdom sa Jan. 6.