1K pasahero pinababa matapos magkaaberya muli ang MRT-3

NAGKAABERYA muli ang operasyon ng Metro Rail Transit- (MRT-3) ngayong hapon matapos namang pababain ang tinatayang 1,000 pasahero ng isa sa mga tren nito na papuntang northbound dahil umano sa electrical failure.

Ganap na alas-12:23 ng tanghali nang pababain ang mga pasahero sa Shaw Station dahil sa hindi paggana ng motor ng tren, ayon sa abiso mula sa MRT=3.

Inilipat ang mga pasahero sa sumunod na tren.

Sinabi ng mga otoridad ng MRT na lumang mga bahagi ng electrical sub-component ang sanhi ng electrical glitch sa tren.

Nagpatuloy naman ang operasyon ng MRT kung saan 14 na tren ang bumibiyahe ganap na ala-1 ng hapon.