KUMALAT sa social media ang diumano’y litrato nina Ellen Adarna at John Lloyd Cruz na kuha raw sa loob ng isang ospital.
Unang lumabas ito sa Instagram account ng talent manager na si Lolit Solis.
Pumunta raw ang magdyowa sa St. Luke’s Hospital para sa pre-natal check-up ni Ellen. Matagal nang nababalita na buntis ngayon ang sexy star courtesy of John Lloyd. Pero hindi pa umaamin ang dalawa hanggang ngayon.
Narito ang kumpletong IG post ni Lolit Solis: “Pre natal check up na at very loving partner si John Lloyd ha sinasamahan partner niya at hands on sa alaga. Lucky Ellen pinakita lang talaga ni John Lloyd sa lahat na hindi biruan ang relasyon nila, hopefully forever kasi di ba ang sweet sweet ng sinasamahan ka sa check up ng lover mo?
“Iyon kasi mga moments medyo insecure at uncertain ang isang babae kaya dapat suportado siya ng partner niya (sic).”
Dugtong pa ng talent manager, “From the way it look tunay at wagas ang feeling ni John Lloyd kay Ellen . The best christmas joy for both , a baby to seal their love.”