ALDEN RICHARDS
TAHIMIK lang na isinelebreyt ni Alden Richards ang 7th anniversary niya sa showbiz last Dec. 8. Tuloy pa rin ang trabaho niya kahit na nga nagsosolo muna siya pansamantala sa Eat Bulaga.
Feast of Immaculate Concepcion nu’ng Dec. 8 kaya malaking dahilan ‘yon para laging manguna ang Diyos kay Alden. Ilang taon din kasi siyang nagtiyaga sa showbiz bago nakamit ang stardom.
Alam naman nating lahat na nu’ng pumasok sa showbiz, ang mapagbigyan ang hiling ng yumaong ina ang malaking factor sa pagiging artista niya. So kahit may nagtataas ng kilay sa kanya sa mga unang taon niya sa showbiz, nagtiis, nagtrabaho at nakamit ang suwerte!
Kaya naman may naipatayo na siyang sariling bahay para sa pamilya at mabenta pa rin siya until now sa live shows at TV commercials.
Mahal ni Alden ang showbiz kaya hinding-hindi niya ito iiwan!