TALAGANG pinaglalaanan ng oras ni Robin Padilla ang kanyang apo kay Kylie Padilla na si Baby Alas.
Mas naging close pa raw ngayon ang maglolo ayon kay Kylie.
Unang na-meet ni Binoe si Baby Alas sa birthday party ng anak ni Mariel Rodriguez na si Maria Isabella last month. Wala naman ang tatay ni Baby Alas na si Aljur Abrenica sa nasabing event.
Sa kanyang Instagram account, nag-post si Kylie ng litrato nina Robin at Baby Alas na kuha sa isang kasalan na may caption na: “The grandfather!” Libu-libong netizens ang nag-like at nagkomento sa nasabing photo at karamihan ay puro papuri kay Robin.
Ang tanong na lang kailan kaya matatanggap ni Binoe si Aljur para kay Kylie? Siguro dapat nang gumawa ng aksyon si Aljur para tuluyan nang magiba ang pader sa pagitan nila ng lolo ni Alas.