GEOFF EIGENMANN AT MAYA
BALIK-Kapuso si Geoff Eigenmann ayon sa balita ng ilang taga-GMA sa handog nilang Christmas party sa entertainment press last Wednesday.
Patalun-talon ng network si Geoff pero welcome pa rin ang bagong tatay sa Kapuso Network kahit galing siya sa kalaban nitong istasyon. Balita namin, hands on daddy din ang aktor sa kanyang panganay na anak sa singer na si Maya.
May bagong seryeng gagawin si Geoff sa GMA kaya yan ang inyong abangan. Ang balita namin makakasama niya rito si Glaiza de Castro.
Marami na namang napaligaya ang GMA sa Paskong Kapuso 2017 para sa press.
Bukod kasi sa halos winner na ang lahat ng dalawang cash prize, walang hirap sa pagbibitbit ng mga ordinaryong appliances ang lahat.
Nagdatingan din ang ilang Kapuso stars pero ang pinagkaguluhan ng marami ay ang dalawang Korean actors na kasama sa cast ng My Korean Jagiya, sina Alexander Lee at Andy Ryu.
Oppa at Jagiya ang naging tema ng GMA Christmas party kaya patalbugan ang ilang members ng media sa kanilang Korean outfit, huh!