P109M jackpot ng Ultra Lotto

    Inaasahang aabot sa P109 milyon ang jackpot prize ng Ultra Lotto 6/58 bukas ng gabi.

    Ayon kay Alexander Balutan, general manager ng Philippine Charity Sweepstakes Office, walang nanalo sa winning number combination na 10-52-30-41-12-06 sa bola noong Linggo ng gabi.

    Umabot sa P104.8 milyon ang actual jackpot prize at umabot sa P20.1 milyon ang halaga ng itinaya sa naturang bola.

      Tatlo naman ang nanalo ng tig-P280,000 na nakakuha ng limang numerong lumabas. Tig-P1,200 naman ang panalo ng 672 mananaya na nakaapat na numero at balik ang P20 taya ng 15,173 mananaya na nakatatlong numero.

    Ang Ultra Lotto ay binobola tuwing Martes, Biyernes at Linggo.