Dating DOJ chief ni GMA itinalaga bilang ERC chief

ITINALAGA ni Pangulong Duterte si dating Justice secretary Agnes Devanadera bilang bagong Chairperson ng Energy Regulatory Commission (ERC).

Pinalitan ni Devanadera ang sinibak na dating ERC chair na si Jose Vicente Salazar dahil sa kontrobersiyang kinasangkutan ng ERC sa ilalim ng kanyang pamamahala.

Pinirmahan ni Duterte ang appointment ni Devanadera noong Nobyembre 22. Tatagal ang termino ni Devanadera hanggang HUlyo 10, 2022.

Naging acting Justice Secretary si Devanadera noong panahon ni dating pangulo at ngayong ay Pampanga Rep. Gloria Macapagal-Arroyo.  Nagsilbi rin si Devanadera bilang Solicitor General noong panahon ni Arroyo.