FEELING-CINDERELLA raw si Heart Evangelista nang makita, makausap at makasayaw pa ang isa sa mga taong iniidolo at nirerespeto niya.
Ang tinutukoy namin ay ang sikat na sikat na designer na si Christian Louboutin na nasa Pilipinas ngayon para sa isang fashion event.
May collection si Heart ng mga sapatos na gawa ni Louboutin, sa katunayan, nagsuot ng pair of Louboutin Daffodile Strass Swarovski crystal platform heels ang aktres noong ikasal siya kay Sen. Chiz Escudero.
Kaya naman dream come true talaga para kay Heart ang makita up close and personal ang kanyang idol na French designer. At mas lalo pang na-excite ang Kapuso leading lady nang magsayaw sila ni Louboutin sa nasabing event.
Sa kanyang Instagram account, nag-post si Heart ng picture nila ng designer na may caption na: “Not waiting for the clock to strike midnight. My own version of a Cinderella moment…dancing with not a prince but the shoe king!”
Nu’ng gabing ‘yun, suot ni Heart ang kanyang Louboutin heels with her off-white, floral-embellished gown na gawa naman ni Mark Bumgarner.