ANAK din lang ang pinag-uusapan, kuwento ito tungkol sa pag-uusap between a popular actress and her not so openly gay friend. Halos tatlong dekada na ang kanilang pagkakaibigan.
Habang lulan ng sasakyan ng aktres, out of the blue ay na-ging topic ng kanilang pag-uusap ang anak ng isang showbiz couple.
Aktres: Bakit hindi nagmana ‘yung anak nila sa ganda ng madir niya?
Gay Friend: Cute naman ‘yung bagets, ah.
Aktres: In fairness, cute naman pero kung ikukumpara mo ‘yung bagets du’n sa anak nina _____ (pangalan ng sikat na magnobyong ikinasal kailan lang), ‘di hamak na mas maganda si ____ (pangalan ng anak ng newlyweds), ‘no!
No comment lang ang gay friend. Sa isip-isip niya, “’Kala ko ba, mag-BFF kayo nu’ng madir ng bagets na nilalait mo ang itsu? Hay, kapag nalaman-laman ‘yan ni ____ (name ng madir ng bagets), naku, tiyak na maghahalo ang balat sa tinalupan!”
Oo naman, let’s spare the innocent child. Ayaw ng RA 9262!