Tren ng MRT-3 nagkaaberya muli

BUMULAGA sa libo-libong pasahero ang sirang tren sa Metro Rail Transit 3 (MRT-3) kaninang umaga.
Base sa MRT-3 service report, huminto ang isang tren dahil sa “technical problem” ganap na alas-9:04 ng umaga, dahilan para pababain ang libo-libong mga pasahero sa Santolan Annapolis sa southbound station.

Naging araw-araw na ang nararanasang aberya sa MRT-3.
Noong Huwebes, humiwalay ang isang bagon ng tren sa pagitan ng Buendia station at Ayala station, na naging dahilan para maglakad ang dose-dosenang pasahero sa kahabaan ng riles.
Bagamat walang nasugatan sa pangyayari, umani naman ito ng pagbatikos sa maramig mambabatas at sa publiko.