SC inatasan ang Senado na magkomento sa petisyon ng lider ng Aegis Juris

INATASAN ng Korte Suprema ang Senado na magkomento sa petisyon para habeas corpus ng lider ng Aegis Juris fraternity na si  Arvin Balag, ayon sa tagapagsalita ng high tribunal.

Sinabi ni SC spokesperson Theodore Te na naghain si Balag ng petisyon na kumukuwestiyon sa kanyang pagkakadetine sa Senado matapos ma-cite in contempt ng Senate committee on public order and dangerous drugs noong Oktubre 18 matapos tumangging sagutin ang mga tanong ng mga senador kaugnay ng pagkamatay ni  Santo Tomas law student Horacio Tomas “Atio” Castillo III.