MRT3 2 beses nagkaaberya ngayong umaga, daan-daang pasahero stranded

DAAN-DAANG pasahero ng Metro Rail Transit 3  ang stranded ngayong umaga matapos pansamantalang tumigil ang operasyon ng MRT 3 dahil sa track problem at technical issue.

Sa isang service status report, iniulat ng MRT-3 na pansamantalang tumigil ang operasyon ng northbound trains ganap na alas-5:52 ng umaga sa pagitan ng Ortigas station at Santolan-Annapolis station dahil sa isang track problem.

Bumalik ang normal na operasyon ganap na alas-6:34 ng umaga.

Ganap na alas-8:35 ng umaga, nasiraan ang isang tren pa-southbound, dahilan para pababain ang mga pasahero sa Cubao station.

Humingi naman ng paumanhin ang pamunuan ng MRT 3 matapos ang nangyaring mga aberya.