ENGAGED na ang Kapamilya actress na si Iza Calzado sa kanyang longtime British boyfriend na si Ben Wintle.
Sa Instagram account ng kaibigang fashion designer ni Iza na si Rajo Laurel una naming nakita ang announcement ng engagement na naganap kahapon.
Sa nasabing photo makikita si Ben na nakaluhod sa harap ni Iza habang nagpo-propose. Siyempre, “Yes!” ang isinagot ni Iza sa kanyang British businessman boyfriend. Kitang-kita rin sa isang video ang pag-iyak ni Iza habang ibinibigay sa kanya ni Ben ang kanyang singsing.
Ang caption ni Rajo sa kanyang IG photo, “Congra-tulations to my friends @missizacalzado & @benmwintle on their engagement! What a blessing to witness this special moment in your lives. So happy for you both!”
Nag-propose si Ben kay Iza ilang buwan matapos silang mag-celebrate ng kanilang ika-5 anibersaryo bilang magkarelasyon.