SPEAKING of Ikaw Lang Ang Iibigin, siguradong mas titindi pa ang daloy ng kuwento ng serye ngayong pumasok na ang mga karakter nina Arci Muñoz at JC Santos.
Sa bagong kabanata ng buhay nina Gabriel (Gerald) at Bianca (Kim), panibagong tao rin ang kanilang nakilala na tutulong sa kanilang abutin ang kanilang mga pangarap at magbago sa takbo ng kanilang kapalaran.
Natunghayan na nga ng mga manonood ang karakter ni Arci na si Alex, ang boss ni Gabriel na masayahin at determinado sa buhay. Ngunit hindi lang siya magiging katuwang sa trabaho ng binata, magsisilbi rin itong kaibigan na tutulong upang maibsan ang lungkot na nararamdaman ni Gabriel.
Nakilala na rin ng mga viewers si JC bilang Percy, ang torpe at masungit na presidente ng kumpanyang pinagtatrabahuhan ni Bianca. Nag-um-pisa man sa hindi pagkakasundo ang kanilang pagkakaibigan, unti-unti namang magkakalapit ang kanilang mga loob sa pagkakataong mas makilala na nila ang isa’t isa.
Ano nga ba ang mga magiging papel nina Alex at Percy sa buhay nina Bianca at Gabriel?
Samantala, patuloy pa rin sa pamamayagpag ang ILAI sa national TV ratings, hindi ito nagpatalo sa bago nitong kalaban. Ayon sa datos ng Kantar Media, nakakuha ang serye ng 17.2% at 17.8% noong Lunes at Martes.
Huwag palampasin ang seryeng magpapatunay na hindi sumusuko ang puso sa pangarap at pag-ibig, ang Ikaw Lang Ang Iibigin, sa ABS-CBN.
Speaking of Arci Muñoz, dedma lang ang dalaga sa mga bashers na patuloy na nangnenega sa kanya dahil sa isyu ng pagpaparetoke.
Sa isang panayam mariing sinabi ni Arci na, “It’s my life, my rules. Deny? No, never, what’s wrong with that? As if naman I committed a crime.”
Hindi na rin daw siya masyadong nagbabasa sa social media para good vibes lang siya palagi, “Sabi ko nga, I’m just really amazed how people have so much time, they have so much time to things like this. I just really don’t give, you know it already.”