DINGDONG DANTES
MULING pinabilib ni Kapuso Primetime King Dingdong Dantes ang kanyang mga tagasuporta matapos itong mag-renew ng kanyang commitment sa Philippine Marines bilang reserved force nito.
Matatandaan noong 2006 nang unang maging bahagi ng organisasyon ang Alyas Robin Hood star kung saan parte siya ng technical service battalion na kinabibilangan ng mga doktor, abogado at marami pang ibang professional.
Likas na sa mister ni Marian Rivera ang pagkakawang-gawa, lalo na sa mga kapuspalad nating mga kababayan. Kaya naman patuloy pa rin siyang inuulan ng blessings hanggang ngayon. Hanggang ngayon nga ay marami pa rin ang kumukumbinsi sa kanya na pasukin na rin ang mundo ng politika para mas marami siyang matulungan, ngunit mukhang wala talaga sa priority ng aktor ang politics.
No wonder ibang klase rin ang paghangang natatanggap niya bilang si Alyas Robin Hood dahil sa dedikasyon niya na ipagtanggol ang mga naaapi at tumulong sa mga nangangailangan. Pero enough na nga kaya ang mga prinsipyong ito ni Robin Hood para maalis sa buhay ni Pepe ang mga kasamaang ginagawa ni Emilio (Edu Manzano)? Makatulong kaya ang alyansa nila ni Yoyo Boy (Ruru Madrid) sa pagsugpo sa mga kalaban?
Iyan ang dapat abangan sa mas umiinit pang mga tagpo sa Alyas Robin Hood na napapanood gabi-gabi sa GMA Telebabad, after Super Ma’am. Kasama pa rin dito sina Andrea Torres, Jaclyn Jose, Solenn Heussaff at marami pang iba.